पाेखरामा एक महिला मृत फेला

पोखरा । साेमबार पोखरामा एक महिलाको शव भेटिएको छ । रामेछाप जिल्ला स्थायी घर भई पोखरा महानगरपालिका–९ ट्रेडमल पछाडी डेरा गरि बस्ने ३५ वर्षीया कुमारी सुनार आफनै कोठामा मृत अवस्थामा भेटिएको जिल्ला प्रहरी कार्यालय कास्कीले जनाएकाे छ । मृतक ट्रेडमल पछाडी माईला साहु भन्ने व्यक्तिको टिनले छाएको छाप्रोमा विगत ७-८ महिना अगाडी देखि बस्दैँ आएकी थिईन् ।

बिहान करिब ६ बजेको समयमा उनका श्रीमानले कोठामा श्रीमति मृत फेला परेपछि प्रहरीमा खबर गरेका थिए । खबर लगत्तै प्रहरीले मृतकको शव पोष्टमार्टमका लागि पोखरा स्वास्थ्य विज्ञान प्रतिष्ठान लगेको थियो ।

मृतकको शरिरमा कुनै त्यस्तो चोटपटक नरहेको र घटना आत्महत्या हाे वा हत्या हाे एकिन गर्न नसकिएकाे प्रहरीले उल्लेख गरेकाे छ।