वाइसीएल भरतपुर महानगर इन्चार्ज दिवाकर राज श्रेष्ठ रास्वपामा

पोखरा

वाइसीएल नेपाल भरतपुर महानगर इन्चार्ज दिवाकर राज श्रेष्ठ राष्ट्रिय स्वतन्त्र पार्टी प्रवेश गरेका छन् ।

नेकपा माओवादी केन्द्रको भातृ संगठन वाइसीयलका भरतपुर महानगर इन्चार्ज श्रेष्ठले रास्वपा नेपालको वैकल्पिक राजनीतिक पार्टीको रुपमा उदाएको र जनताको मुद्धा पनि यसले नै बोक्ने भन्दै रास्वपामा प्रवेश गरेका हुन् ।

श्रेष्ठ बिहीबार भरतपुरमा भएको चुनावी सभामा चितवन–२ का उम्मेदवारसमेत रहेका रबिलाई सघाउँदै रास्वपा प्रवेश गरेका हुन् । श्रेष्ठलाई रास्वपाको ब्याज लगाइदिएर लामिछानेले पार्टीमा स्वागत गरेका छन् ।

चितवन–२ मा लामिछानेको पक्षमा माहोल देखिएको छ । यो निर्वाचन क्षेत्रमा लामिछानेसँगै नेपाली कांग्रेसका जीतनारायण श्रेष्ठ र नेकपा एमालेका रामप्रसाद न्यौपानेबीच त्रिपक्षीय प्रतिस्पर्धा हुँदैछ ।