गोरखा जिप दुर्घटनाका मृतककाे पहिचान खुल्याे

गोरखाको सहिद लखन गाउँपालिकामा भएकाे जिप दुर्घटनाका मृतककाे पहिचान खुलेकाे छ ।    गाउँपालिकाको ताक्लुङबाट चिलिङकोटस्थित बेहुलीको घरमा गएर टिकाटालो गरेर फर्किंदै गरेको जिप गएराति १ बजेतिर दुर्घटना हुँदा पाँच जनाकाे ज्यान गएकाे थियाे ।

गए राति प्रदेश ३ ०१–०२३ च २४ २७ नम्बरको जिप गोरखाको शहीद लखन गाउँपालिका–३ मा पल्टिँदा शहीद लखन–५ का १९ वर्षीय प्रविण थापा, २८ वर्षीय वीरबहादुर थापा, १९ वर्षीय निरज थापा, १९ वर्षीया नविना थापा र ६४ वर्षीय धनबहादुर थापाको ज्यान गएको गोरखाका प्रमुख जिल्ला अधिकारी दिनेश सागर भुसालले जानकारी दिए।

गण्डकी प्रदेश कार्यालय पोखराका डिआइजी बुद्धिराज गुरुङका अनुसार घटनामा १२ जना घाइते भएका छन् ।

बेहुला पक्षका तीन वटा गाडी चढेर टीकाटालो गर्न बेहुलीको घरमा गएका थिए । तीनवटा गाडीहरुमध्ये एउटा जिप करिब २ सय मिटर तल खसेर दुर्घटनामा परेको हो ।