एनआईसी एशिया बैंकले २० प्रतिशत लाभांश वितरण गर्ने

काठमाडौं । एनआईसी एशिया बैंकले आफ्ना शेयरधनीहरुलाई २० प्रतिशत लाभांश वितरण गर्ने भएको छ।

बैंकले गत आर्थिक वर्षको मुनाफाबाट शेयरधनीहरुलाई २० प्रतिशत लाभांश वितरण गर्ने भएको हो । बैंकले गत आर्थिक वर्ष २०७६/७७ को लागि चुक्ता पूँजीको १९ प्रतिशतका दरले हुन आउने रकम १ अर्ब ८४ करोड ६३ लाख रुपैयाँ बराबरको बोनस शेयर र सोको कर प्रयोजनको लागि १ प्रतिशतले हुन आउने ९ करोड ७१ लाख रुपैयाँ बराबरको नगद लाभांश गरी कुल २० प्रतिशत लाभांश वितरण गर्नेछ।

सो प्रस्ताव पारित गर्न बैंकले मंसिर २१ गते साधारणसभा डाकेको छ।