पाेखराकाे पृथ्वीचोकस्थित बसपार्कमा एक युवा मृत अवस्थामा फेला

पाेखरा । पोखराको पृथ्वीचोकस्थित बसपार्कमा एक युवक मृत अवस्थामा भेटिएका छन् ।

मृत भेटिएका युवक काँकडभिट्टाको बसबाट पोखरा आएकाे प्रहरीले जनाएकाे छ । उनी भारतबाट आएकाे बुझिएकाे छ । मृतक, बाग्लुङका २८ वर्षीय दिवस केसी रहेको प्रहरीले बताएको छ ।

उनको शव बसपार्कबाट बाहिर निस्कने गल्लीमा देखेर स्थानीयले प्रहरीलाई खबर गरेका थिए ।

उनको मृत्युको कारणबारे थप अनुसन्धान भईरहेको जिल्ला प्रहरी कार्यालय कास्कीका प्रवक्ता डिएसपी सुवास हमालले जानकारी दिएका छन् ।