नवलपुरमा आगो ताप्ने क्रममा जलेर एक जना गम्भिर घाईते

कावासोती ।

नवलपुरमा आगो ताप्ने क्रममा आगोले पोलेर एक महिला गम्भिर घाईते भएकी छिन् ।

जिल्लाको विनयी त्रिवेणी गाउँपालिका वडा नम्बर ६ प्रसौयाकी ८० वर्षिय खिन्दुदेबी थापाले आगो ताप्ने क्रममा अचानक साडीमा आगो लाग्दा जलेर घाईते भएको जिल्ला प्रहरी कार्यलय नवलपुरका सुचना अधिकृत प्रहरी नायब उपरिक्षक बेद बहादुर पौडेलले जानकारी दिए ।

आफ्नै घरमा आगो ताप्ने क्रममा दिउँसो ३ बजेतिर शरिरमा आगो लागेको र थापाको शरिरको पछाडी कम्मर मुनीको भाग र बाँया हात जली उपचारको लागी भैरहवा मेडिकलमा लगिएको जनाईएको छ । उनको अबस्था गम्भिर रहेको प्रहरीले जनाएको छ ।

नवलपुरमा केही दिन देखी जाडो बढिरहेको छ ।