कास्कीको भदौरेमा जीप दुर्घटना, १२ जना घाइते

पोखरा

कास्कीको भदौरेमा जीप दुर्घटना हुँदा १२ जना घाइते भएका छन् ।

पोखराबाट भदौरेतर्फ जादै गरेको ग १ ज ५५४७ नम्बरको जीप दिउँसो साढे ३ बजे अन्नपूर्ण गाउँपालिका–४ सल्लाघारीमा दुर्घटना भएको हो ।

दुर्घटनास्थलबाट १२ जना घाइतेको उद्धार गरेको जिल्ला प्रहरी कार्यालय कास्कीका प्रहरी निरीक्षक सूर्यबहादुर रानाले जानकारी दिए । उनका अनुसार ९ जनालाई अस्पताल पु¥याइएको छ ।

५ जनाको पोखरा स्वास्थ्य विज्ञान प्रतिष्ठान (पश्चिमाञ्चल क्षेत्रीय अस्पताल) र ४ जनाको मणिपाल शिक्षण अस्पतालमा उपचार भइरहेको छ ।

‘३ जनाको उद्धार गरेर बाटोमा ल्याइदैछ । घटनास्थलमा उद्धार जारी छ’, निरीक्षक रानाले भने । दुर्घटनास्थल भीरमा भएकाले कति यात्रु सवार थिए यकिन नभएकाले खोजी जारी रहेको उनको भनाइ छ ।