पोखरामा ओली समर्थित युवा संघले जुलुश निकाल्याे

पोखरा । प्रधानमन्त्री केपी ओलीले आइतबार प्रतिनिधिसभा विघटन गरेपछि चौतर्फी विरोध भइरहँदा पोखरामा भने ओलीपक्षीय युवा संघले समर्थननसहित सभा गरेको छ । उनीहरुले हाल अस्तित्वमा नै नरहेको नेकपा एमालेसंग सम्वन्धित गीतसहित प्रदर्शन गरेका थिए ।

चुनावताकाको चर्चित गीत सही पनि एमाले, मै पनि एमाले घन्काउँदै सुरु मानवअधिकारचोकमा सुरु भएको सभामा युवासंघका केन्द्रीय उपाध्यक्ष माधव बाँस्तोलाले पार्टीकै प्रधानमन्त्रीविरुद्ध गुटबन्दी गर्नेहरु पाखा लागेको बताए ।

उनले भने, ‘गलत मान्छेको हातमा सत्ता सुम्पेर मुलुकलाई बर्बाद गर्नुभन्दा प्रधानमन्त्रीले जनतालाई देश र अधिकार सुम्पेका हुन् ।’ अब जनमत लिएर प्रचण्ड एण्ड टिमलाई सत्तामा पुग्न बाँस्तोलाले चुनौति दिए ।

युवासंघले यही १० गते प्रदेश सांसद राजीव पहारीको नेतृत्वमा सभागृहमा प्रदेशस्तरीय भेलाको समेत आयोजना गरेको छ ।