उधाेगतर्फका उपाध्यक्ष र एक सदस्यमा चित्त बुझायाे विन्दु काेइराला प्यानलले
पाेखरा । आगामी नेतृत्वका लागि भएको पोखरा उद्योग वाणिज्य संघको निर्वाचनको मतपरिणाम आउनेक्रम जारी छ । ताजा मतपरिणाम अनुसार नारायण काेइरालाकाे प्यानल विजयकाे सन्निकट देखिएकाे छ ।
ताजा परिणाम अनुसार वाणिज्य तर्फकाे उपाध्यक्षमा विन्दु काेइराला प्यानलका साेभित पाैडेललाइ पराजित गर्दै अर्जुन पाेख्रेलले जीत हात पारेका छन् । पाेख्रलले १४८ मत अन्तरले पाैडेललाइ पराजित गरेका हुन् । पाैडेललाइ नेकपाले समर्थन गरेकाे थियाे ।
उधाेग तर्फकाे उपाध्यक्षमा भने विन्दु काेइराला प्यानलबाट निर्वाचनमा भिडेका गाेकर्ण कार्कीले जीत निकालेका छन् । उनले नारायण काेइराला प्यानलका चिनु कुमारी गुरूङलाइ पराजित गरेका हुन् ।
यता, महासचिवमा समेत नारायण काेइराला प्यानलकै सुरेन्द्रमान विजुक्छेले जीत हात पारेका छन् । उनले विन्दु काेइराला प्यानलका धनिराम बराललाइ पराजित गरेका हुन् ।
यस्तै, काेषाध्यक्षमा समेत विन्दु काेइराला प्यानलका तारानाथ ढुङ्गानालाइ पराजित गर्दै बलराम आचार्यले जीत सुनिश्चित गरेका छन् ।
उपमहासचिवमा समेत काेइराला प्यानलकै केशबबहादुर खत्री विजयी भएका छन् ।
