बेनीमा बाढीले एउटा जीप बगायो, यात्रु र चालकले भागेर ज्यान जोगाए

म्याग्दी ।

म्याग्दीको बेनीबजार आसपासको क्षेत्र बाढीबाट प्रभावित भएको छ ।

गएराति परेको भारी वर्षापछिको बाढीले एउटा जीप बगाएको छ । यात्रु र चालकले भागेर ज्यान जोगाएका छन् ।

बाढीले विद्यालय, ज्येष्ठ नागरिक आश्रमको भवन, सडकलगायत भौतिक संरचनामा क्षति भएको छ ।

जिल्ला प्रहरी कार्यालय म्याग्दीका अनुसार पोखराबाट बेनीका लागि छुटेको ग२च ९३५५ नम्बरको जिपलाई बागलुङ–बेनी सडकअन्तर्गत बेनी नगरपालिका–१ हुलाकेको खोल्साको बाढीले बगाएको छ ।

सशस्त्र प्रहरी बल गुल्म गलेश्वरका प्रहरी नायब उपरीक्षक नवराज नेपालकाअनुसार बेनी–जोमसोम सडकमा पहिरो खसेपछि खोल्सा र नालीको पानी बस्तीतर्फ सोझिँदा एउटा विद्यालय तथा ज्येष्ठ नागरिक आश्रमको भवनमा क्षति भएको छ ।

बेनी नगरपालिका–९ मा रहेको जडभरत संस्कृत माध्यमिक विद्यालयको पाँचकोठे भवनको कक्षाकोठाभित्र बाढी पसेर पुरिएको छ ।