तनहुँमा आफैले काटेकाे रूखले च्यापेर एक जनाको मृत्यु 

तनहुँ ।
तनहुँको भिमादमा रूख काट्ने क्रममा बिहिबार एक मजदुरको मृत्यु भएको छ । आफैले काटेको रूखले च्यापिदाँ भिमाद नगरपालिका ६ कुमालडाँडा फेदिका ५८ बर्षीय शेर बहादुर कुमालको मृत्यु भएको हो ।

भिमाद बजार स्शिथपत रंगशाला छेऊमा रहेको सुकेको सिसौको रूख ढलाउने क्रममा सोही रूखले च्यापिएर कुमालको घटनास्थलमा नै मृत्यु भएको प्रहरीले जनाएको छ ।

घटनाबारे थप अनुसन्धान भैरहेको ईलाका प्रहरी कार्यालय भिमादले जानकारी दिएको छ ।