लागुऔषध सहित पोखराबाट २ जना पक्राउ

पाेखरा । पोखराबाट लागुऔषध सहित २ जना पक्राउ परेका छन् ।

उनीहरुलाई कास्की प्रहरीले सोमबार दिउँसो ३ बजे पक्राउ गरेको हो । पक्राउ पर्नेहरुमा बाँके कोहलपुर नगरपालिका वडा नम्बर १७ घर भइ पोखरा १७ बस्ने २७ वर्षीय विशाल रानामगर तथा बर्दियाको ठाकुरद्वार नगरपालिका वडा नम्बर ८ घर भइ सोही स्थानमा बस्ने २९ वर्षीय मीन रानाभाट रहेका छन् ।

पक्राउ परेका २ जनाको साथबाट प्रहरीले डाइजापाम १० एम्पुल, फेनेरागन १० एम्पुल, नुफ्रिनुर १० थान सहित मोबाइल २ थान तथा नगद १० हजार रुपैयाँ समे बरामद गरेको छ ।

उनीहरु विरुद्ध लागुऔषध समबन्धी कसुर अन्तरगत जिल्ला अदालत कास्कीबाट ५ दिनको म्याद थपेर अनुसनधान अगाडि बढाइएको प्रहरीले जानकारी दिएको छ ।