थाइल्याण्डमा बाढीबाट मृत्यु हुनेको संख्या २५ पुग्यो

एजेन्सी ।

दक्षिणी थाइल्याण्डमा भीषण बाढीका कारण मृत्यु हुनेको संख्या २५ पुगेको छ ।

६ वटा प्रान्तहरू पानीको सतह बिस्तारै घट्दै गएको बताइएको छ । विपद् रोकथाम तथा न्यूनीकरण विभागले नोभेम्बर २२ यताको भारी वर्षा र अचानक आएको बाढीबाट १० प्रान्तका ६ लाख ६४ हजारभन्दा बढी घरपरिवार प्रभावित भएको बताएको छ ।

करिव २९ हजार मानिसलाई अस्थायी आश्रय स्थलमा सारिएको विभागले जनाएको छ । सरकारका प्रवक्ता शशिकर्ण वत्थानाचनका अनुसार थाइल्याण्डका प्रधानमन्त्री प्यातोङटार्न सिनावात्राले सम्बन्धित निकायलाई विपद् रोकथाम र राहत, जनस्वास्थ्य कर्मचारी, यातायात, साथै आपतकालीन अवस्थामा मानिसहरूलाई सहयोग गर्नका लागि मेसिनरी र उपकरणहरू तयार गर्न निर्देशन दिनुभएको छ ।