ग्रिनल्याण्डबारे ट्रम्पको टिप्पणीले युरोपमा अशान्ति

काठमाडौं ।

आफ्नो दोस्रो कार्यकाल शुरु हुन बाँकी हुँदा नै अमेरिकी राष्ट्रपति–निर्वाचित डोनाल्ड ट्रम्पले ग्रिनल्याण्ड प्राप्त गर्न सैन्य वा आर्थिक उपायहरूको सम्भावित प्रयोगको सुझाव दिनेसहित विस्तारवादी टिप्पणीले युरोपमा अशान्ति मच्चाएको छ । ट्रम्पको टिप्पणीले युरोपभर व्यापक चिन्ता जगाएको बताइएको छ ।

लगभग ६० हजार जनसंख्या भएको विश्वको सबैभन्दा ठूलो टापु ग्रिनल्याण्ड, डेनमार्कको स्वशासित क्षेत्र हो । ग्रिनल्याण्डमा ट्रम्पको चासो पहिलो राष्ट्रपति कार्यकालदेखि नै हो । २०१९ मा उनले क्षेत्र खरिद गर्ने प्रश्ताव राखेका थिए । जुन कदमलाई डेनमार्कका प्रधानमन्त्री मेट्टे फ्रेडरिकसेनले तत्काल अस्वीकार गर्नुभयो ।

ट्रम्पको विवादास्पद टिप्पणीले अमेरिका–युरोप सम्बन्धको भविष्यको बारेमा चिन्ताहरू बढाएको विज्ञहरूले चेतावनी दिए ।