युनिकले कति कित्ता आईपिओ निष्काशन गर्दैछ त ?

कोहलपुर, बाँकेमा केन्द्रीय कार्यालय रहेको युनिक नेपाल लघुवित्त वित्तीय संस्था लिमिटेडेले २ करोड ७० लाख रुपैयाँबराबरको साधारण सेयर (आईपीओ) निष्कासन गर्ने भएको छ ।

आईपिओ निष्काशनको लागि युनिकले मुक्तिनाथ क्यापिटललाई धितोपत्र निष्काशन तथा बिक्री प्रबन्धकमा नियुक्त गरेको छ । संस्थाले प्रतिसेयर रु. १०० अंकित दरका २ लाख ७० हजार कित्ता आईपीओ निष्कासन गर्ने भएको हो ।

२०७५ साल पुस १ गतेदेखि आफ्नो वित्तीय कारोबार सुरु गरेको संस्थाले आफ्नो बर्दिया, कैलाली, बाँके, कञ्चनपुर, दाङ र कपिलवस्तु जिल्लाभित्र ३८ वटा शाखा कार्यालयमार्फत सेवा दिइरहेकाे छ । याे शेयर बिक्रि पछि संस्थाकाे चुक्तापुँजी ९ करोड पुग्नेछ ।