गोरखामा असार ५ सम्मका लागि निषेधाज्ञा थप

पाेखरा । गोरखामा असार ५ गतेसम्म निषेधाज्ञाको समयसीमा थप गरिएकाे छ।

प्रमुख जिल्ला अधिकारी शालिकराम पौडेलका अनुसार सोमबार बसेको जिल्ला कोभिड व्यवस्थापन समितिको बैठकले निषेधाज्ञाको समयसीमा थप गरेकाे हो ।

निषेधाज्ञाको समयमा दैनिक उपभोग्य खाद्यन्न, तरकारी, फलफूल, तरकारी, दुध तथा दही, माछा, मासु, कृषिजन्य विउ विजन, मल, पशुपन्छीको दाना विक्री वितरण गर्ने पसहलहरु विहान ५ देखि बिहान ९ बजेसम्म खुल्न पाउने उल्लेख गरिएकाे छ ।

यस्तै, निर्माण सामग्री बोक्ने गाडिमा चालक र सहचालक गरी दुई जना मात्र रहन पाउने पनि जारी आदेशमा उल्लेख गरिएकाे गरिएको छ।

जारी निशेधाज्ञामा के गर्न पाइन्छ, के पाइँदैन हेर्नुहाेस ।