निजी ल्याबकाे काेराेना परिक्षणलाइ पनि मान्यता दिन निर्देशन

काेराेना बीमाकाे सन्दर्भमा बीमा समितिले आइतबार नयाँ निर्देशन जारी गरेकाे छ । याेसँगै साेमबारदेखि नीजि ल्याबहरूमा काेराेना पाेजेटिभ देखिएका बिमितहरूले समेत भुक्तानी पाउने बाटाे खुलेकाे छ ।

यस अघि समितिले नीजि ल्याबहरूकाे विश्वश्नियतामाथि प्रश्न उठाउँदै छानबिन पछि मात्र भुक्तानी दिने गरी व्यवस्था गरेकाे थियाे । नयाँ निर्देशन अनुसार पनि आफु कार्यरत ल्याब वा साेही समूहकाे अर्काे ल्यावकाे रिपाेर्टका आधारमा त्यहाँका कर्मचारीहरूले भने भुक्तानी पाउने छैनन् ।

समितिले जारी गरेकाे साे निर्देशनमा निजी ल्याबमा परिक्षण गरिएको पीसीआर रिपोर्टमा शंका लागेमा पुनः अर्को ल्याबमा कोरोना परिक्षण गराउन सक्ने प्रावधान समेत राखिएकाे छ ।

त्यस्तै अबदेखि कोरोना बीमाको सामुहिक पाेलिसीमात्र जारी गर्ने निर्देशन सँगै एकल पोलिसी बिक्रि गर्ने नपाइने भएकाे छ ।