एजेन्सी\सिन्ह्वा ।
भारत नियन्त्रित कश्मीरमा अज्ञात बन्दुकधारीहरूले गोली चलाउँदा कम्तीमा २६ पर्यटकको मृत्यु भएको छ ।
अन्य धेरै मानिसहरु घाइते भएको प्रहरीले जनाएको छ । भारत नियन्त्रित कश्मीरको ग्रीष्मकालीन राजधानी श्रीनगर शहरबाट लगभग ८९ किलोमिटर पूर्वमा रहेको पहलगाम शहरमा आक्रमण भएको प्रहरीले जनाएको छ ।
प्रहरी अधिकारीहरूले बैसरन घाँसे मैदानमा बन्दुकधारीहरूले पर्यटकहरूमाथि गोली चलाएको बताएका छन् ।
घटना लगत्तै घाइते पर्यटकहरूलाई बाहिर निकाल्न र शवहरू निकाल्न सेना र अर्धसैनिक बलहरूसहित प्रहरी टोली घटनास्थल पुगेको थियो ।
घाइतेहरूलाई पहिले पहलगामको सरकारी अस्पतालमा ल्याइएको थियो र त्यसपछि थप उपचारको लागि अनन्तनाग र श्रीनगर रेफर गरिएको थियो ।
हाल साउदी अरबको औपचारिक भ्रमणमा रहेका भारतीय प्रधानमन्त्री नरेन्द्र मोदीले आक्रमणको निन्दा गरेका छन् । सरकारका अन्य प्रमुख नेताहरूले पनि आक्रमणको निन्दा गरेका छन् ।
गत जुनमा आतंककारीहरूले यस क्षेत्रको रियासी जिल्लामा हिन्दु तीर्थयात्रीहरू बोकेको बसमा आक्रमण गरेका थिए । बस सडकबाट चिप्लिएर खोंचमा खसेको थियो ।
जसमा नौ जनाको मृत्यु भएको थियो र अन्य ३३ जना घाइते भएका थिए । सन् १९८९ देखि यस क्षेत्रमा तैनाथ आतंककारीहरू र भारतीय सेनाबीच छापामार युद्ध चलिरहेको छ ।
प्रकाशित मिति २०८२ वैशाख १० गते बुधबार ०९:१०
