होटलमा आगलागी हुँदा १४ को मृत्यु, दुई घाइते

भारतको कोलकाता शहरको सबैभन्दा व्यस्त बजार क्षेत्र बडाबजारमा रहेको एक होटलमा आगलागी हुँदा १४ जनाको मृत्यु भएको छ ।

आगलागी भएको होटलको चौथो तलाबाट हाम फाल्ने क्रममा दुई जना घाइते भएका स्थानीय सुरक्षा निकायलाई उद्धृत गरी भारतीय सञ्चारमाध्यमले जनाएका छन् ।

गएराति भएको आगलागीमा फँसेका केहीको भने उद्धार गरिएको छ । विद्युत् शर्ट भएर आगलागी भएको हुनसक्ने प्रारम्भिक अनुमान छ । तर विस्तृत अनुसन्धान गर्न विशेष टोली गठन गरिएको छ ।