थमन परियार स्मृति प्रतिष्ठानको अध्यक्षमा शम्भु खाती

पोखरा । थमन परियार स्मृति प्रतिष्ठानको शनिबार सम्पन्न एघारौं साधारण सभा तथा छैठौँ अधिवेशनबाट शम्भु खातीको नेतृत्वमा ११ सदस्यीय कार्यसमिति निर्विरोध निर्वाचित भएको छ ।

अधिवेशनबाट उपाध्यक्षमा यज्ञ प्रसाद तिवारी, सचिवमा सन्तोष परियार, कोषाध्यक्षमा संगिता सुनाम निर्वाचित भएका छन् भने सदस्यहरुमा राजु परियार, बिन्दु परियार, सरस्वती परियार निर्वाचित भएका छन् । साथै उक्त कार्यसमितिले सह-सचिव र तीन सदस्य पहिलो बैठकबाट मनोनित गर्ने नवनिर्वाचित सचिव सन्तोष परियारले जनाएका छन् ।

गण्डकी प्रदेश सांसद दम्यन्ती रुचालको प्रमुख आतिथ्यतामा सम्पन्न उक्त कार्यक्रमको अध्यक्षता संस्थाका अध्यक्ष गोपाल मणि लामिछानेले गरेका थिए भने संचालन अर्जुन मल्लले गरेका थिए ।

अधिवेशन पोखरा – २६ बुढीबजार स्थित होराइजन कटेजमा सम्पन्न भएको थियो ।