संयुक्त राष्ट्र मानव अधिकार विज्ञमाथि अमेरिकी प्रतिवन्ध अस्वीकार्यः संयुक्त राष्ट्र संघ

एजेन्सी\सिन्ह्वा ।

संयुक्त राष्ट्रसंघका प्रवक्ता स्टेफेन डुजारिकले संयुक्त राष्ट्र मानव अधिकार विज्ञमाथि अमेरिकी प्रतिवन्ध अस्वीकार्य रहेको बताएका छन् ।

संयुक्त राष्ट्र मानव अधिकार विशेष प्रतिवेदकहरूमाथि प्रतिवन्ध लगाउनु एक खतरनाक उदाहरण भएको प्रवक्ता डुजारिकको भनाइ छ ।

डुजारिकले कब्जा गरिएको प्यालेस्टिनी भूभागमा मानव अधिकारको अवस्थाबारे संयुक्त राष्ट्र संघका विशेष प्रतिवेदक फ्रान्सेस्का अल्बानीजमाथि अमेरिकी प्रतिवन्धको प्रतिक्रियाका रुपमा यस्तो बताएका हुन् ।

वाशिंगटनले प्यालेस्टिनीहरूविरुद्ध इजरायली मानव अधिकार उल्लंघनको अनुसन्धानमा अल्बानीजविरुद्ध प्रतिवन्धहरूको घोषणा गरेको थियो ।

यी प्रतिवन्धहरू अमेरिकी राष्ट्रपति डोनाल्ड ट्रम्पले फेब्रुअरीमा हस्ताक्षर गरेको कार्यकारी आदेशपछि आएका हुन् ।

आदेशमा अन्तर्राष्ट्रिय फौजदारी अदालतले संयुक्त राज्य अमेरिका र इजरायललाई लक्षित गरी गरिएका अवैध र आधारहीन कार्यहरूको रूपमा वर्णन गरेकोमा दण्डात्मक कारबाहीलाई अधिकार दिएको थियो ।