२०३० सम्ममा खोपमा आत्मनिर्भर हुने घानाको लक्ष्य

एजेन्सी ।

घानाले २०३० सम्ममा खोपको आपूर्तिमा आत्मनिर्भर हुने प्रयासलाई तिब्रता दिने राष्ट्रपति जोन ड्रामानी महामाले बताएका छन् ।

घानाले २०३० सम्ममा विश्वव्यापी खोप समूह गावीबाट बाहिर निस्कन यो कदम महत्वपूर्ण रहेको राष्ट्रपतिले राष्ट्रिय राजधानी अक्रामा आयोजित खोप उत्पादन लगानी कार्यक्रममा बताएका हुन् । सरकारले राष्ट्रिय खोप संस्थानको बीउ कोषमा थप ५ करोड अमेरिकी डलर राख्नेछ । जसले गर्दा कुल कोष ७ करोड ५० लाख डलर पुग्नेछ । जुन देशमा खोप उत्पादन पूर्वाधार निर्माण र सुसज्जित गर्ने लगानीको रूपमा हुनेछ । घानाले कोभिड–१९ महामारीबाट महत्वपूर्ण पाठ सिकेको छ ।

घानाले घानामा खोप र सेराको अनुसन्धान, विकास र निर्माणको समन्वय र सुपरीवेक्षण गर्न अप्रिल २०२३ मा राष्ट्रिय खोप संस्थान स्थापना गरेको हो ।