पाकिस्तानमा पहिरोमा परी ८ जनाको मृत्यु, ४ जना घाइते

एजेन्सी\सिन्हवा ।

पाकिस्तानको उत्तरी क्षेत्रको गिलगिट जिल्लामा पहिरोमा परि आठ जनाको मृत्यु हुनुका साथै चार जना घाइते भएका छन् ।

पाकिस्तानी पुलिसकाअनुसार सोमबार देशको गिलगिट–बाल्टिस्तान क्षेत्रको जिल्ला गिलगिटमा रहेको बाढी प्रभावित दान्योर नामक खोलामा स्वयंसेवकहरूको समूह पुनस्र्थापना कार्यमा व्यस्त थिए त्यही बेला यो घटना भएको हो ।

घाइतेहरूमध्ये दुई जनाको अवस्था गम्भीर रहेको बताइएको छ ।  फसेको आशंकामा रहेका अन्यको खोजी कार्य जारी रहने प्रहरीले बताएको छ ।

साथै सर्वसाधारणलाई सुरक्षित ठाउँमा जान आग्रह गरिएको छ ।

गिलगिट–बाल्टिस्तानका मुख्यमन्त्री हाजी गुलबर खानले यस दुर्घटनामा गहिरो शोक व्यक्त गर्दै शोकसन्तप्त परिवारप्रति समवेदना व्यक्त गरेका छन् ।