एक सातादेखि बेपत्ता वृद्धा मृत फेला

म्याग्दी ।

एक साता देखि बेनी नगरपालिका–६,जामुनाखर्कस्थित आफ्नै घरबाट बेपत्ता एक वृद्वा जंगलमा मृत अवस्थामा भेटिएकी छन् ।

गत असोज २९ गते घर नजिकैबाट सम्पर्कविहिन ९५ बर्षिय सानिमायाँ खत्रीको शब मगलबार विहान सानीचौतारीको खोरियामा फेला परेको जिल्ला प्रहरी कार्यालय म्याग्दीले जनाएको छ ।

सोमबार दिनभरी खोजीकार्य गरेपनि कुनै ‘क्लु’ फेला पार्न नसकेपछि सदरमुकाम बेनी फर्किएको तालिम प्राप्त कुकुरलाई विहानको समयमा सम्भावित स्थानको पहिचानका लागि पुनः परिचालन गरिएको थियो ।

तालिमप्राप्त कुकुर सहितको प्रहरीे टोलीले वृद्वाको शब फेला पारेको घटनास्थलमा पुगेका प्रहरी निरीक्षक सागर पौडेलले बताए । घटनास्थल मृतकको घरभन्दा साढे दुई सय मिटर तल रहेको छ ।

घटनाबारे थप अनुसन्धान भैरहेको प्रहरीले जनाएको छ।