इश्वरीको अध्यक्षतामा दलित महिला शसक्तिकरणमा नयाँ कार्यसमिति चयन

पोखरा
दलित महिला शसक्तिकरण नेपाल, पोखरामा इश्वरी विकको अध्यक्षता नयाँ कार्यसमिति चयन भएको छ । संस्थाको सोमबार भएको प्रथम अधिवेशनबाट इश्वरीको अध्यक्षतामा नयाँ कार्यसमिति चयन भएको हो ।

समितिको उपाध्यक्ष रितु मजाकोटी, सचिव सपना विक, र कोषाध्यक्ष सोनिया गुरुङ विक चयन भए । सदस्यहरुमा अञ्जली विक, सृर्जना विक, हिरा परियार, लालु परियार, सपना रसाइली, लक्ष्मी गायक र सृजना गोतामे सर्वसम्मत भए ।

पोखरा महानगरपालिका वडा नम्बर ८ का वडाध्यक्ष रुद्रनाथ बरालको प्रमुख आतिथ्यतामा उक्त कार्यक्रममा गरिएको हो । कार्यक्रममा वडा नम्बर–८ का जनप्रतिनिधि लक्ष्मी विक र वडा नम्बर–९ का जनप्रतिनिधी गिता नेपालीले र नियोकका सहसयोजक सुमित्रा गायकले शुभकामना व्यक्त गरेका थिए ।