पर्यटकलाई दुःख दिएको आरोपमा १६ जना पक्राउ

पोखरा ।

पोखराको लेकसाइडमा पर्यटकहरुलाई दुःख दिएको आरोपमा प्रहरीले १६ जनालाई पक्राउ गरेको छ ।

रातिको समयमा आन्तरिक तथा बाह्य पर्यटकहरुलाई अनावश्यक दुःख हैरानी दिने र लुटपाट गर्ने कार्यमा संलग्न १६ जना महिलालाई पक्राऊ गरिएको प्रहरीले जनाएको छ ।

अनैतिक क्रियाकलाप बढेको जनगुनासोको आधारमा जिल्ला प्रहरी कार्यालय कास्की तथा मातहत वडा प्रहरी कार्यालय बैदामबाट खटिएको टोलीले गएराती साढे १२ बजेदेखि वैशाख ६ गते बिहान २ बजेसम्म कारबाही चलाएको थियो ।

त्यसक्रममा १६ जना महिलाहरूलाई नियन्त्रणमा लिई आवश्यक कारवाही गरिएको जिल्ला प्रहरी कार्यालय कास्कीका निमित्त सूचना अधिकारी एवम् प्रहरी निरीक्षक गणेश पाण्डेले जानकारी दिए ।