देशभरका थप २७१ जनामा कोरोना संक्रमण, २२५ संक्रमणमुक्त

पछिल्लो २४ घन्टामा देशभरका २७१ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयको कोभिड -१९ सम्बन्धी प्रेस विज्ञप्ति अनुसार पछिल्लो २४ घन्टामा ९ हजार १५७ पिसिआर र १ हजार ७२९ एन्टिजेन गरी कूल १० हजार ८८६ जनामा गरिएको नमुना परीक्षणमा उक्त संख्याका मानिसको रिपोर्ट कोरोना पोजेटिभ आएको मन्त्रालयले जनाएको छ ।

यस्तै, पछिल्लो २४ घण्टामा देशभरका २२५ जना संक्रमणमुक्त भएका छन् भने, सोही अवधिमा एक जनाले संक्रमणका कारण ज्यान गुमाएका छन्।

हाल देशभर सक्रिय संक्रमितको संख्या ४ हजार ९३१ रहेको मन्त्रालयले जनाएको छ ।