महिला पर्यटन व्यवसायी मञ्चद्वारा प्रधानमन्त्री राहत कोषमा १ लाख २१ हजार सहयोग

भाद्र १७ ,पोखरा
प्राकृतिक विपद्बाट प्रभावित नागरिकको राहत तथा उद्धारमा सहयोग पुगोस् भन्ने उद्देश्यले महिला पर्यटन व्यवसायी मञ्च पोखराले प्रधानमन्त्री दैवी प्रकोप उद्धार तथा राहत कोषमा रु. १ लाख २१ हजार १ सय १ आर्थिक सहयोग गरेको छ।
मञ्चले उक्तm रकम बैक मार्फत प्रधानमन्त्री राहत कोषमा जम्मा गरेको हो। विपद्का कारण प्रभावित परिवारको उद्धार, राहत तथा पुनःस्थापनाका लागि सहयोग पुगोस् भन्ने उद्देश्यले संस्थागत रूपमा रकम प्रदान गरिएको मञ्चकी अध्यक्ष ममता न्यौपानेले जानकारी दिइन ।
अध्यक्ष न्यौपानेले विपद्को कठिन घडीमा सबैले आ–आफ्नो क्षेत्रबाट सक्दो सहयोग गर्नुपर्ने बताउँदै मञ्चले पनि सामाजिक उत्तरदायित्वअन्तर्गत राहत कोषमा सहयोग गरेको उल्लेख गरिन ।
सरकारले भोटेकोशी बाढीबाट प्रभावित क्षेत्रमा उद्धार, राहत र पुनःस्थापनाका लागि प्रधानमन्त्री दैवी प्रकोप उद्धार कोष तथा राहत कोषमा सहयोग गर्न आह्वान गर्दै आएको छ