अमेरिकामा एकै दिन थपिए १० लाख बढी कोरोना सङ्क्रमित

काठमाडौँ — संयुक्त राज्य अमेरिकामा सोमबार एकै दिन १० लाखभन्दा बढीमा कोभिड-१९ सङ्क्रमण देखिएको जोन्स हप्किन्स विश्वविद्यालयको तथ्यांकले देखाएको छ ।

अमेरिकामा विगत २४ घण्टामा करिब १.०७ मिलियन नयाँ सङ्क्रमण पुष्टि भएको देखिएको छ ।

कोभिड १९ संक्रमितको संख्या पछिल्लो सात दिनमा दोब्बर बढेर प्रतिदिन औसत ४ लाख १८ हजारको हाराहारीमा पुगेको छ ।

हालसम्म अमेरिकामा पाँच करोड ६१ लाख ९१ हजार ७ सय ३३ जनामा कोभिड १९ संक्रमण देखिएको छ भने आठ लाख २७ हजार सात सय ४९ संक्रमितको मृत्यु भएको छ ।