प्रतिनिधि र प्रदेश सभाको चुनाव मंसिर ४ मा

काठमाडौं, १९ साउन

सरकारले प्रतिनिधि र प्रदेश सभा निर्वाचनको मिति घोषणा गरेको छ । बिहीबार बसेको मन्त्री परिषद्को बैठकले चुनावको मिति तोकेको हो ।

सरकारमा सहभागी दलहरु मंसिर ४ गते चुनाव गर्न सहमत भएपछि मन्त्री परिषद्ले चुनावको मिति घोषणा गरेको एक मन्त्रीले जानकारी दिए । मन्त्रीका अनुसार एकै चरणमा चुनाव हुनेछ । नेपालमा संघीय शासन प्रणाली लागू भएपछि दोस्रो पटक प्रतिनिधि र प्रदेश सभाको चुनाव हुन लागेको हो ।

निर्वाचन आयोगले भने मंसिर २ गते निर्वाचन गर्न सरकारलाई सुझाव दिएको थियो ।