आगोले जलेर तनहुँका बालकको मृत्यु

पोखरा

तनहुँको भिमादमा आगोले जलेर ९ बर्षीय बालकको मृत्यु भएको छ । भिमाद नगरपालिका–७ अर्चलेका सुभाष थापाको आगो ताप्ने क्रममा जलेर मृत्यु भएको हो । सोमबार साँझ भान्सा कोठामा आगो ताप्दै गर्दा उनी जलेर घाइते भएको जिल्ला प्रहरी कार्यालय तनहुँका डिएसपी युवराज खड्काले बताए ।

घाइते उनको पश्चिमाञ्चल क्षेत्रीय अस्पताल पोखरामा उपचारको क्रममा मृत्यु भएको हो । बुधबार राती निधन भएको प्रहरीले जनाएको छ ।