पोखरा
नेकपा माओवादी संसदीय दल गण्डकीका नेता हरिबहादुर चुमानले आधा कार्यकाल सरकारको नेतृत्व आफूले गर्ने बताएका छन् ।
आधा कार्यकाल मुख्यमन्त्रीमा खगराज अधिकारीलाई सघाउने र त्यसपछि आफू मुख्यमन्त्री बन्ने हिसाबले नै सरकारमा गएको चुमानले बताएका हुन् ।
गण्डकीका मुख्यमन्त्री खगराज अधिकारीले बिहीबार विश्वासको मत लिँदै छ । विश्वासको मत लिनुभन्दा अघिल्लो साँझ बिहीबार पब्लिक टिभीकाे कार्यक्रम ‘द भ्यू’ मा कुराकानी गर्दै गण्डकीमा पनि आलो पालो नै सरकार सञ्चालन हुने दाबी गरेका हुन् ।
खगराज नेतृत्वमा मन्त्री भएर जानुका पछाडि आधा कार्यकाल सरकारको नेतृत्व गर्न सजिलो होस् भन्नकै लागि भएको बताए ।
‘सुरुमा एमाले संसदीय दलका नेता खगराज अधिकारीलाई समर्थन दिने भन्ने निर्णय भयो । त्यसपछि आलोपालोको कुरा आयो र आलोपालो नै हुन्छ,’ चुमानले भने, ‘पछिल्लो समय आलोपालो हुनुपर्छ भन्ने विषय झनै बलियो भएर आएको छ ।’
सरकारलाई सफल पार्नका लागि दलको नेताकै नेतृत्वमा मन्त्रिपरिषदमा जाँदा उपयुक्त हुन्छ भन्ने भएकैले आफू मन्त्री भएर गएको चुमानको दाबी छ ।
आधा कार्यकालका लागि मुख्यमन्त्रीपछिको दोस्रो मन्त्रालय आफ्नो पहिलो रोजाइ भएको चुमानले बताए ।
यसपटक गण्डकीमा मन्त्रालयको संख्या १२ बाट घटाउने तयारी भइरहेको र दोस्रो बरियताको मन्त्रालय अर्थ वा भौतिक पूर्वाधार माओवादीको भागमा पर्ने चुमानले बताए ।
प्रकाशित मिति २०७९ पुस २८ गते बिहीबार ०८:१४
