संसद पुल, बाटाे हाेइन, नीति निर्माण गर्न जाने थलाे हाेः स्वतन्त्र उम्मेदवार ऋगेन्द्र

पाेखरा

कास्की क्षेत्र नं २ बाट प्रतिनिधि सभामा स्वतन्त्र उम्मेदवारी दिएका ऋगेन्द्र नेपाली गिरीले संसदमा विकासभन्दा पनि नीति निर्माणका लागि जाने थलो रहेको बताएका छन् । शनिबार पोखरामा पत्रकार सम्मेलन गरी उनले नेपालमा नीतिगत तहमै कमजोरी रहेकाले त्यसलाई सच्याउन आफूले उम्मेदवारी दिएको बताएका हुन् ।
‘सांसदहरु अहिले पुल बनाएँ, बाटो बनाएँ भन्दै भोट मारिाखेका छन् । कोही बनाउँछु भन्दैछन्,’ उम्मेदवार ऋगेन्द्रले भने, ‘संसदमा नीति निर्माण गर्न जाने हो, पुल बनाउन, बाटो बनाउन होइन । अब नझुक्किनुहोला ।’
उनले आफ्नो उम्मेदवारीले कसैलाई धनी बनाउने नभए पनि दलगत ‘दुव्र्यसन’लाई हटाउन आफू राजनीतिमा आउनु परेको सुनाए । उनले नेपाल गरिब नभएको तर, बनाइएको जिकिर गरे ।