पोखरा । नेपाली कांग्रेसका महामन्त्री विश्वप्रकाश शर्माले पछिल्लो राजनीतिक घटनाक्रम विश्वकप फुटबलमा जस्तै भएको टिप्पणी गरेका छन् ।
उनले फ्रान्सका एम्बाप्पेले सर्वाधिक गोल हानेजस्तै कांग्रेसले धेरै सिट जिते पनि कप अर्कैले लगेको टिप्पणी गरे । ‘जितेर, हारेर पोखरा आएको हो । वर्ल्डकपमा एम्बाप्पले सबैभन्दा बढी हान्यो । मंसिर ४ मा कांग्रेसले सबैभन्दा बढी सिट जित्यो । एम्बाप्पेले बढी गोल पनि हान्यो, गोल्डेन बुट पनि जित्यो । तर कप अर्कैले जित्यो । त्यसकारण हामी एम्बाप्पे भएर आएको हो,’ पोखरामा जारी नेपाल लिटरेचर फेस्टिबलमा सोमबार बोल्दै उनले भने ।
उनले पाँच वर्षपछि कांग्रेस उदाउने दाबी गरे ।
प्रकाशित मिति २०७९ पुस ११ गते सोमबार १२:११
