तनहुँमा आज खुकुरी प्रहारबाट एकजनाको ज्यान गयो

तनहुँ

तनहुँको भानु नगरपालिका वडा नं ६ माखुकुरी प्रहारबाट एक जनाको ज्यान गएको छ । ज्यान जानेमा डुम्रे (चन्द्रवती भित्रि सडकखण्डमा ) बस्ने ४९ वर्षका सन्तबहादुर गुरुङ रहेका छन् ।

तनहुँकै व्यास नगरपालिका वडा नं ८ का २४ वर्षका आशिस परियारले खुकुरीले गुरुङको घाँटीमा प्रहार गरेका थिए । खुकुरी प्रहारपछि प्रहरीले परियारलाई हतियारसहित नियन्त्रणमा लिएको छ ।

घटना के कारणले भयो भन्ने बारे प्रहरीले अनुसन्धान गरिरहेको जिप्रका तनहुँका प्रहरी नायव उपरीक्षक युवराज खड्काले जानकारी दिए ।