गुराँस लाइफले भुक्तानी गर्यो मृत्यु दाबीको २८ लाख

पोखरा

गुराँस लाइफ इन्स्योरेन्स कम्पनीले मृत्यु दाबी रकम भुक्तानी गरेको छ । कम्पनीको क्षेत्रीय कार्यालय पोखराले दुई वर्ष अघि कम्पनीमा जीवन बीमा गरेका सुदीप गौतमको परिवारलाई मृत्यु दाबीको रकम भुक्तानी गरेको हो ।

कम्पनीका वरिष्ठ क्षेत्रीय मार्केटिङ अधिकृत श्यामप्रसाद तिमिल्सेनाले गौतम परिवारका कविता अर्याललाई २८ लाख ९७ हजार ३ सय २४ रुपैयाँको चेक हस्तान्तरण गरेका हुन् । मर्दी ट्रेकका पर्यटन व्यवसायी गौतमको मर्दी हाइक्याम होटलमा ल्याइएको खानेपानी पाइप मर्मत गर्न जाँदा गत असोजमा लडेर मृत्यु भएको थियो ।

कार्यक्रममा कम्पनीका सिनियर एजेन्सी मेनेजर लक्ष्मण भट्टराई ,एजेन्सी मेनेजर रोमहर्षण पौडेल, एजेन्सी मेनेजर सुरेन्द्रमोहन अधिकारी, एजेन्सी लिडर बिकल तिमिल्सेना, लिडर मनिषा खाँण लगायतले बोलेका थिए ।