प्रधानमन्त्री पुष्पकमल दाहाल प्रचण्डले गठबन्धन बदलेर मुलुकलाई अन्त्यहीन अस्थिरतातिर धकेल्ने काम गरेको नेकपा एमालेको विश्लेषण छ । राष्ट्रपतिको उम्मेदवार टुंगाउन र पछिल्लो घटनाक्रमबारे निर्णय लिन आज एमालेको बैठक बस्दैछ ।
पूर्वसहमति तोडेर नेपाली कांग्रेसलाई राष्ट्रपति दिने निर्णयले प्रधानमन्त्री प्रचण्डप्रतिको विश्वासनीयता कमजोर बनेको नेकपा एमालेका उपमहासचिव प्रदीप ज्ञवालीले बताएका छन् ।
पुस २६ गते विश्वासको मत लिँदा राष्ट्रपति एमालेलाई दिने गरी प्रचण्डले सहमति गरेर ठिक चुनावअघि घात गर्दै नयाँ गठबन्धन बनाएका प्रचण्डलाई अस्थीरता निम्त्याउन अग्रसर भएको आरोप लगेको छ ।
सरकारको नेतृत्व गरिररहेको माओवादी केन्द्रले गठबन्धन बदलेपछि विकसित परिस्थितिबारे आज शनिबार बस्ने सचिवालय बैठकबाट निर्णय हुने उपमहासचिव ज्ञवालीले बताए ।
प्रकाशित मिति २०७९ फागुन १३ गते शनिबार ०७:३०
