यूएईलाई हराउँदै नेपाल यू-१९ क्रिकेट विश्वकपमा छनोट

यूएईमाथि ७ रनको रोमान्चक जित निकाल्दै नेपाली टाेली अर्को वर्ष श्रीलंकामा हुने यू–१९ विश्वकपका लागि छनोट भएको छ । सन् २०१६ यता नेपालले पहिलोपल्ट उमेर समूहको क्रिकेट विश्वकप खेल्न लागेको हो ।

निर्णायक खेलमा दीपेश कँडेलले ह्याट्रिक विकेट लिएपछि यूएईमाथि ७ रनको रोमान्चक जित निकाल्दै नेपाली टाेली अर्को वर्ष श्रीलंकामा हुने यू–१९ विश्वकपका लागि छनोट भएको हाे ।
१९२ रनको लक्ष्य पछ्याएको युएई ४८ ओभरमा सबै विकेट गुमाएर १८४ रनमा समेटियाे ।

यो जितसँगै नेपालले सन् २०१९ मा युएईसँगको हारको बदला लिएको छ। सन् २०१९ मा भएको छनोट खेलमा नेपाल युएईसँग डिएल मेथडको आधारमा १ रनले पराजित हुँदा विश्वकप खेल्नबाट चुकेको थियो।

नेपालले दिएको १९२ रनको सामान्य लक्ष्य पछ्याएको युएई ४८ ओभरमा १८४ रन बनाउँदा अलआउट भयो। हारको नजिक पुगेको नेपालका लागि दीपेश कँडेलले ४७ औं ओभरमा तीन विकेट लिएपछि नेपालको जित पक्का भएको हो।