पोखरामा गुञ्जिए जनवादी गायक जीवन शर्मा

पोखरा । जनता, राष्ट्र र राष्ट्रियताको मुक्तिका लागि संगीत अभियात्राको देश दौडाहामा निस्किएका जनवादी कलाकारको टोलीले मंगलबार पोखरामा गुञ्जिएको छ ।

समावेशी कलाकारको समूहमा जनवादी गायक जीवन शर्मा, मणि थापा, उदय श्रेष्ठ गरी २५ जनाको टोलीले आज जनवादी गीत पोखरेलीलाई सुनाएका हुन् ।

शर्माले आफ्ना एक दर्जन गीत कार्यक्रममा सुनाएका थिए ।  कार्यक्रममा पोखरेलीको उल्लेख्य सहभागिता थियो ।

यसअगाडि यो समूहले धनगढी, सुर्खेत, दाङ, बुटवल, भरतपुर, हेटौंडा, बर्दिवास, इलाम, विर्तामोडमा सांगीतिक यात्रा गरिसकेको छ ।

संगीत अभियात्रा बैशाख ५ गते काठमाडौंमा समापन हुनेछ ।