डुंगा दौडको उपाधि तालपारी समूहलाई

पोखरा

फेवातालमा भएको डुंगा दौड प्रतियोगितामा तालपारी समूह विजेता बनेको छ । पोखरामा जारी १८ औं फेवा नववर्ष महोत्सव अन्तर्गत बिहीबार भएको प्रतियोगितामा ७ समूहलाई पछाडि पार्दैै तालपारीले उपाधि जितेको हो ।

बाराहीघाट ‘ए’ दोस्रो हुँदा बाराहीघाट ‘डि’ ले तेस्रो स्थान हासिल गरेको छ । गौरीघाट ‘बी’ सान्त्वना एको छ । विजेतासँगै दोस्रो, तेस्रो र सान्तवनाले क्रमश: १५ हजार, १० हजार, ८ हजार र ५ हजार रुपैयाँ पुरस्कार प्राप्त गरेका छन् ।

पहारीघाटबाट सुरु भएको डुंगा दौड लेकहाउसमा पुगेर फेरि पहारीघाटमा फिर्ता भएका थिए । प्रत्येक समूहमा तीन जना सहभागी रहेका थिए ।

फेवाताल संरक्षणमा सचेतना फैलाउने डुंगा दौड आयोजना गरेको होटल संघ पोखराका अध्यक्षका लक्ष्मण सुवेदीले बताए । बिहीबारदेखि १८ औं फेवा महोत्सव सुरु भएको हो ।