मेयर आचार्यका पूर्व स्वकीय सचिव एमाले प्रवेश

पोखरा महानगरपालिकाका मेयर एवं समाजवादीका केन्द्रीय सदस्य धनराज आचार्यका भतिज खेमराज आचार्य एमाले प्रवेश गरेका छन् । धनराज मेयर निर्वाचित भएपछि खेमराज करिव ६ महिना उनको सचिवालयमा थिए ।

सचिवालयमा नासु सरहकाे कर्मचारी नियुक्त गर्न पाइने भएपनि मेयर आचार्यले खेमराजलाई अधिकृतस्तर छैठाैं सरह नियुक्त गरेका थिए । साे विषयमा विवाद भएपछि खेमराजले राजिनामा दिँदै नगरपालिका छाडेका थिए । खेमराज प्याराग्लाइडिङ कम्पनी सञ्चालक हुन् ।

मंगलबार नेकपा एकीकृत समाजवादी छोडेका कास्कीका नेता चुणामणि जंगलीलगायत एक दर्जन नेता/कार्यकर्तालाई नेकपा एमालेका संगठन विभाग प्रमुख एवं गण्डकीका मुख्यमन्त्री खगराज अधिकारीले एमालेमा स्वागत गरेका हुन् ।