गण्डकी प्रदेश सरकारको बजेट गतवर्ष भन्दा घट्ने

पोखरा

गण्डकी प्रदेश सरकारले असार १ गते बजेट ल्याउँदै छ । प्रदेश सरकारले असार १ गते बजेट ल्याउनुपर्ने संवैधानिक व्यवस्था छ । गण्डकी सरकारले ल्याउने बजेटको आकार भने गत वर्षको भन्दा घट्ने भएको छ ।

संघीय सरकारको अनुदान कटौती, लक्ष्यअनुसारको राजश्व प्राप्ति पनि नभएको र आर्थिक दायित्व पनि बढी भएकाले बजेट आकार घटेर आउने भएको हो ।
३५ अर्बको चालु बजेट ल्याएको गण्डकी प्रदेश सरकारले आगामी बजेट ३३ अर्बको हाराहारीमा ल्याउन लागेको छ । अहिले बजेट निर्माणको अन्तिम तयारी भइरहेको अर्थमन्त्री जीतप्रकाश आलेले जानकारी दिए ।

आलेका अनुसार यसपटक भौतिक पूर्वाधारतर्फ ३० लाख र खानेपानी तथा सिँचाइतर्फ १० लाखभन्दा कमका योजना बजेटमा आउने छैन । गण्डकी प्रदेश सरकारले कत्रो आकारको कस्तो बजेट निर्माण गरिरहेको छ त ? आगामी सरकारका प्राथमिकता केके हुन् ? हामीले अर्थमन्त्री जीतप्रकाश आलेलाई सोधेका छौं ।