टि ट्वान्टी आई सिरिजमा नेपालले कुवेतसँग खेल्दै

पोखरा

चार देश सम्मिलित महिला टी–ट्वान्टी आई सिरिजमा नेपालले आज कुवेतसँग खेल्दैछ । दुई देशबीचको खेल नेपाली समय अनुसार दिउँसो पौने १२ मा मलेसियाको बायोमास ओभलमा सुरु हुनेछ । आइसिसी महिला टी–ट्वान्टी विश्वकप एसिया क्षेत्र छनोट अघि नेपाल, मलेसिया, हङकङ र कुवेतले चार देश सम्मिलित सिरिज खेलिरहेको छन् ।

नेपालले सिरिजको पहिलो खेलमा नेपालले हङकङलाई पराजित गरेको थियो । नेपालले हङकङलाई ६ विकेटले पराजित गरेको हो । सिरिजको लिग चरणको अन्तिम खेलमा नेपालले शुक्रबार आयोजक मलेसियासँग खेल्नेछ । नेपाल शीर्ष दुईमा रहेमा शनिबार फाइनल खेल्नेछ । पुछारमा रहने दुई टोलीले पनि तेस्रो र चौथो स्थानको लागि शनिबार नै खेल्नेछन् ।

नेपालले एसिया क्षेत्र छनोट अगष्ट ३१ देखि ९ सेप्टेम्बरमा (भदौ १४ देखि भदौ २३ सम्म ) मा मलेसियामा नै खेल्नेछ । प्रतियोगितामा नेपालको समूहमा युएई, कतार, मलेसिया, भुटान र बहराइन छन् । समूह बी मा चीन, हङकङ, कुवेत, म्यानमार र थाइल्यान्ड छन् ।