ज्याकेटको जोगीमा बिस्कुट जस्तो गरी डल्लो बनाइ ल्याइएको थियाे
त्रिभुवन अन्तर्राष्ट्रिय विमानस्थलबाट १४ किलो अवैध सुन बरामद भएको २ दिनपछि फेरि ६ किलो ५६५ ग्राम सुन बरामद भएको छ ।
भन्सार क्षेत्रबाट बाहिरिइसकेपछि प्रहरीको टोलीले सुनसहित दुई विदेशी नागरिकलाई समेत पक्राउ गरेको विमानस्थल प्रहरी प्रमुख डिआइजी अर्जुन चन्दले जानकारी दिए ।
सुनसहित इजिप्टका नागरिक सरिफ मोहमद लासिम पक्राउ परेका छन् ।
क्लोज सर्किट (सीसी) क्यामरा फुटेजका आधारमा प्रहरीले इजिप्टका ती नागरिकसँग संलग्न भएको आशंकामा थप दुई सुडानी नागरिकहरुलाई पनि पक्राउ गरेको छ । यद्यपि, उनीहरुले आफ्नो संलग्नता स्वीकारेका छैनन् । विगतमा यूएई हुँदै नेपालमार्फत भारतमा तस्करी हुने सुनमा पनि सुडानी नागरिकको संलग्नता देखिँदै आएको छ ।
ज्याकेटको जोगीमा बिस्कुट जस्तो गरी डल्लो बनाइ ल्याइएको अवस्थामा सुन सहित इजिप्ट र सुडानका नागरिक पक्राउ गरिएको उनले जानकारी दिए ।
उनीहरु राती ११ः५१ बजे त्रिभुवन अन्तर्राष्ट्रिय विमानस्थलमा अवतरण गरेको फ्लाई दुबईको एफ जेड ५७३ हवाई जहाजबाट उनीहरू काठमाडौँ आएका थिए । बिहीबार पनि १४ किलो सुनसहित एक जनालाई पक्राउ गरिएको थियो ।
प्रकाशित मिति २०८० मंसिर २४ गते आइतबार ११:२०
