माछापुच्छ्रे भलिबल कपको उपाधि नवलपुरको बौदीकालीलाई

पोखरा

दोश्रो माछापुच्छ्रे गाउँपालिका अध्यक्ष कप पालिकास्तरीय पुरुष भलिबल प्रतियोगिता”को उपाधि बौदीकाली गाउँपालिका नवलपुरले जितेको छ । कास्कीको माछापुच्छ्रेमा गाउँपालिका घाचोकमा आयोजित उक्त प्रतियोगितामा गल्कोट नगर पालिकालाई ३–१ को सेटमा पराजित गर्दै उपाधि जितेको हो ।

उपाधिसँगै बौदीकालीले नगद ३ लाखका साथमा ट्रफी, मेडल तथ प्रमाणपत्र हात पारेको छ भने उपविजेता गल्कोटले नगद २ लाखका साथमा ट्रफी, मेडल तथ प्रमाणपत्र हात पारेको गुरुङले जनाए । यस्तै प्रतियोगितामा दुई सेमिफाइलालिष्ट टिम तृतीय भएका छन् ।

सेमीफाइनालिष्ट टिम चापाकोट नगरपालिका स्याङजा र अन्नपूर्ण गाउँपालिका कास्की तृतिय हुँदै समान नगद ५०/५० हजार हात पारेका छन् । गत २६ गतेबाट सञ्चालन भएको प्रतियोगितामा १५ टिम सहभागि थिए । स्याङजा, नवलपुर, कास्की, बागलुङ, पर्वत रतनहुँका विभिन्न पालिकाले सहभागिता जनाएका थिए । प्रतियोगितामा राष्ट्रिय टोलीका खेलाडीहरुले समेत विभिन्न पालिकाबाट खेलेका थिए ।