गायक प्रकाश दुतराज म्याग्दीमा सम्मानित

म्याग्दी

नेपाल बैंकर्स संघ म्याग्दीले चर्चित युवा गायक प्रकाश दुतराज सम्मान गरेको छ ।

गीतसंगीतको माध्यमबाट विश्वभर म्याग्दीलाई चिनाएको भन्दै संघले सम्मानपत्र र दोसल्लाले सम्मान गरेको हो । उनी म्याग्दीको मंगला गाउँपालिका– ५, अर्मनमा जन्मिएका हुन् ।

बैंकर्स संघ म्याग्दीका अध्यक्ष नवराज ढुंगानाले प्रकाश दुतराजले सांगीतिक क्षेत्रमा प्राप्त गरेको सफलताले म्याग्दीको शीर उच्च भएको बताए ।

नले गायक दुतराजको सांगीतिक क्षेत्रको सफलता सम्पूर्ण म्याग्देलीको प्रतिष्ठासँग जोडिएको बताए ।
सम्मानपश्चात गायक दुतराजले म्याग्दीको माटो र मायाकै कारण यो स्थानमा आएको बताए ।

म्याग्दीको माटोले गीत सिर्जना गर्न सिकाएकाले आगामी दिनमा जिल्लालाई चिनाउने गरी काम गर्ने बताए । गायक दुतराजको हालै सार्वजनिक भएको रिमैं यतिबेला चर्चामा छ ।

उनले ‘लाहुर जाने रेलैमा’, आरने, बैनी झ्यालैमा, घर कता हो बैनीको, पछ्यौरीको तातो, तिरिरि मुरली बज्यो तारेभीर, फूल लाउँथें शिरमा जस्ता सांगितिक श्रृंखला निकै रुचाइएको छ ।