एनभीए भलिबल गण्डकी प्रदेश हेल्प नेपालसँग पराजित

काठमाडौं
गण्डकी प्रदेशलाई पराजित गर्दै टिप टप हेल्प नेपाल आठौं संस्करणको आरबीबी एनभीए भलिबल च्याम्पियनसिप अन्तर्गत पुरुषतर्फको फाइलनमा प्रवेश गरेको छ ।

राष्ट्रिय खेलकुद परिषद् (राखेप) को कभर्डहलमा भएको खेलमा हेल्प नेपालले गण्डकीलाई सोझो सेटमा पराजित गर्दै फाइलन प्रवेश गरेको हो । पहिलो सेटमा २५-१९ ले जितेको हेल्प नेपालले दोस्रो २७-२५ र तेस्रो सेट २५- १९ ले जितेको हो ।

हेल्प नेपालले उपाधिका लागि नेपाल पुलिस क्लब र त्रिभुवन आर्मी क्लबबिचको विजेतासँग खेल्नेछ ।