त्रिभुवन आर्मीले जित्यो कालिका कप भलिबल प्रतियोगिताको उपाधि

बागलुङ
चैते दसैँका अवसरमा आयोजित कालिका कप खुला भलिबल प्रतियोगिताको उपाधि त्रिभुवन आर्मी क्लबले जितेको छ ।

बागलुङस्थित कालिका बाल उद्यानमा बिहीबार भएको फाइलन खेलमा गुम्टे रेष्टुरेण्ट काठमाडौलाई ३–० को सोझो सेटमा पराजित गर्दै आर्मीले उपाधि जितेको हो ।

पहिलो सेट २५–१८ र दोस्रो सेट २५–१२ ले आर्मीले तेस्रो सेट २५–२२ ले हराउँदै उपाधि रक्षा गरेको हो । घुम्टे रेष्टुरेण्टले चार जना भारतीय खेलाडी समावेश गरेको थियो । सुरुआतदेखि नै पछि परेको घुम्टे रेष्टुरेण्टलाई आर्मीले अन्तिमसम्म पनि अघि बढ्न दिएन ।

उपाधि जितेको आर्मीले ३ लाख नगदसहित ट्रफी, मेडल र प्रमाणपत्र हात पा¥यो । फाइनलमा आर्मीसँग पराजित हुँदै उपविजेता बनेको घुम्टे रेष्टुरेण्टले एक लाख ५० हजारमा चित्त बुझायो । प्रतियोगिताको तेस्रो स्थान भने कस्तुरी युवा क्लबले हात पारेको छ । कस्तुरी युवा क्लबले एक लाख पायाे ।