बिएससी संकायले जित्यो पिएन क्याम्पस अन्तर संकाय क्रिकेट प्रतियोगिताको उपाधि

पोखरा
पृथ्वीनारायण क्याम्पस (पिएन) मा भएको अन्तर संकाय कप क्रिकेट प्रतियोगिताको उपाधि बिएससी संकायले जितेको छ ।

आइतबार पिएन क्याम्पसको अन्नपूणर् रंगशालामा भएको प्रतियोगितामा सिएसआइटि संकायलाई पराजित गर्दै बिएससी संकायले उपाधि जितेको हो ।

अखिल क्रान्तिकारी पृथ्वीनारायण क्याम्पस खेलकुद विभागको आयोजनामा भएको प्रतियोगिताको विजेता टीमले ११ हजार एक सय ११ सहित ट्रफि प्राप्त गर्‍यो ।

उपविजेता बनेको सिएसआइटि संकायले ६ हजार ६ सय ६६ रुपैयाँमा चित्त बुझायो । विकास थापामगर प्रतियोगिताकै उत्कृष्ट खेलाडी घोषित भए ।

विजेतालाई गण्डकी प्रदेशका पूर्व अर्थमन्त्री रामजीप्रसाद बरालले ट्रफि प्रदान गरेका थिए । प्रतियोगितामा ६ टिमले भाग लिने प्रतियोगिता संयोजक शुभ पंगेनीले जानकारी दिए ।