मिडटाउन सिनेमा हल ९ महिनापछि सञ्चालनमा

पाेखरा । कोरोना भाइरसका कारण विगत ९ महिनादेखि बन्द रहेको पोखराको मिडटाउन सिनेमा बुधबारदेखि पुनः सञ्चालनमा आएकाे छ । मंगलबार एक पत्रकार सम्मेलनकाे आयाेजना गरेर मिडटाउन खुलेको जानकारी दिइएकाे हाे ।

मिडटाउनमा अहिले नेपाली चलचित्र ‘आमा’ र ‘सेन्टिभाइरस’ तथा अंग्रेजी चलचित्र ‘इन्भिजिबल मेन’ प्रदर्शन भइरहेकाे छ । दिउँसो १ बजे, अपरान्ह ३ः४५ बजे र साँझ ६ बजे फिल्म प्रदर्शन गर्ने गरी हल सञ्चालनमा आएको मिडटाउनकाे व्यवस्थापनले जानकारी दिएकाे छ ।

सिनेमा हल सञ्चालनमा आएपनि नयाँ फिल्म रिलिज हुन केही समय लाग्ने व्यवस्थापनले जनाएकाे छ ।